बस्तीपुरको खानेपानी आयोजना हेटौंडा खानेपानी व्यवस्थापन बोर्डलाई हस्तान्तरण

0
490

हेटौंडाः हेटौंडा उपमहनगरपालिका वडा नम्बर १९ बस्तीपुरमा बस्तीपुर खानेपानी तथा सरसफाई उपभोक्ता समितिबाट संचालित खानेपानी आयोजना आज एक कार्यक्रमका बिच हेटौंडा खानेपानी व्यवस्थापन बोर्डलाई हस्तान्तरण गरिएको छ । बस्तीपुर खानेपानी आयोजना समितिका अध्यक्ष विर बहादुर थोकरले हेटौंडा उपमहानगरपालिकाका मेयर हरिबाहादुर महतको उपस्थितिमा बोर्डका अध्यक्ष प्रताप बिष्टलाई आज हस्तान्तरण गर्नु गर्नुभएको हो ।

बस्तीपुर खानेपानी तथा सरसफाई उपभोक्ता समितिबाट सञ्चालन भएको खानेपानी सेवा प्रणालीको व्यवस्थापनको पुर्ण जिम्मेवारी आजबाट हेटौंडा खानेपानी व्यवस्थापन बोर्डले लिएको अध्यक्ष विष्टले जानकारी दिनुभयो । समिति मार्फत अहिले ४५० वटा धारामा खानेपानी वितरण भइरहेको छ । यसबाट बस्तीपुरको मुख्यबजार, क्याम्पाडाँडा, मौवाटार, जागरणटोल, मिलनटोल, लोकतान्त्रिकटोल, प्रगातिशिल, कुनाटोल, तिनताप्के लगायत स्थानका ५ हजार जनसंख्या लाभान्तिव भएका छन् ।

यस्तै आजै हेटौंडा उपमहानगरपालिकाका मेयर हरिबहादुर महतले सोही स्थानमा बागमति प्रदेश सरकार र हेटौंडा खानेपानी व्यवस्थापन बोर्डको सहलगानीमा निर्माण हुने सम्मवेलको शिलान्याश गर्नुभएको छ । सम्मवेल निर्माण सम्पन्न भएपछि हेटौंडा–१९ बस्तीपुरमा पर्याप्त मात्रामा खानेपानी उत्पादन गरी वितरण गर्ने हेटौंडा खानेपानी व्यवस्थापन बोर्डको योजना छ ।

हेटौंडा उपमहानगरपालिकाका मेयर हरिबहादुर महतले बागमति प्रदेश सरकार र हेटौंडा खानेपानी व्यवस्थापन बोर्डको सहलगानीमा निर्माण हुने सम्मवेलको शिलान्याश गर्नुहुँदै ।

कार्यक्रममा हेटौंडा–१९ का वडाअध्यक्ष नरनाथ सुवेदी, खानेपानी तथा सरसफाई डिभिजन नम्बर १ का डिभिजन इन्जिनियर बाल मुकुन्द श्रेष्ठ, हेटौंडा खानेपानी व्यवस्थापन बोर्डका कार्यालय प्रमुख सुदर्शन ढकाललगायत स्थानीयहरुको उपस्थिति रहेको थियो ।

LEAVE A REPLY

Please enter your comment!
Please enter your name here